Del 29 d'abril al 5 de mayu celébrase la 34 Selmana de les Lletres Asturianes, unos pocos díes pa poner en valor la nuesa llingua.
Con esi motivu faense diverses actividaes: de música, teatru escolar, promoción gastronómica, turística y cultural.
Amás convóquense certames de creación artística/lliteraria, de cartelismu y de creación audiovisual.
Esti añu la figura literaria elexía ye Nené Losada, poetisa valdesana (1921-2009) y con motivu d'esta celebración editose la antoloxía poética de l'autora "El ríu y la memoria". Esti poema sal en el marcapáxines conmemorativu:
AQUEL ÁRBOL.
Aquel árbol,
aquel que nacéu a la vera'l ríu,
foi medrando col tiempu.
Güei ya un xigante
de troncu forníu,
l.len de fueyas las canas
ya de paxarinos.
Lo mesmo que l'árbol
you medréi xunto al ríu
escribiendo poemas
ya...agora, que yá tán nos l.libros,
al pasar las fueyas
parezme ver paxarinos
como aquel.los del árbol,
que nacéu a la vera'l ríu.
Me gusta muchisimo
ResponderEliminar